БИЗНЕСИЙН ЦАХИМ ХАРИЛЦААНЫ ШИНЭ ОРЧИН

ДЭЛГЭРЭНГҮЙ

HOME

ТЭГШ
ОРОЛЦООГ
ТЕХНОЛОГИОР

ХАМТРАГЧ БА ДЭМЖИГЧ БАЙГУУЛЛАГУУД

БҮГДЭД ХАРИЛЦАН АШИГТАЙ ЦАХИМ ОРЧИН

Эрсдэлийг зөв тооцоолж, санхүүжилтийн алхмуудыг хялбаршуулна

Үйл ажиллагааны менежментийг сайжруулж, урсгал зардлыг бууруулна

Мэдээллийн хоцрогдлоос үүдэлтэй маргааныг арилгана

Бүтээгдэхүүний гарал үүслийг үнэн зөв мөшгөнө

Хэрэглэгч нийлүүлэгч хоёрыг илүү ойртуулж, зах зээлийн цар хүрээг тэлнэ

Ил тод мэдээллийн орчинд оновчтой төлөвлөлт хийнэ

ECOSYSTEM

SMART HUB МЭДЭЭЛЭЛ СОЛИЛЦОХ УХААЛАГ ШИЙДЭЛ

Блокчейн ба үүлэн технологид суурилсан мэдээлэл

Оролцогч талууд хэрэглэхэд хялбар веб болон гар утaсны аппликейшн, API холболтын тусламжтайгаар хоорондоо мэдээлэл солилцох, хамтран ажиллах, дата дүн шинжилгээ хийх, бүтээгдэхүүний гарал үүслийг мөшгөх, баталгаажуулах боломжтой.

Баталгаат орчинд бичиг баримтыг цахимаар солилцох

Блокчейн орчинд нэгэнт оруулсан бичиг баримтыг өөрчлөх тохиолдолд бичиг баримтыг дахин оруулж, оролцогч талуудаар баталгаажуулах шаардлагатай. Ингэснээр хэн хэзээ ямар бичиг баримтыг оруулсан, хэрхэн засварласан нь талуудад мэдэгдэх учир оролцогч талууд бие биеэ хууран мэхлэх явдлыг хязгаарлана.

IoT мэдрэгчүүдээр үйл ажиллагаагаа шууд хянах

IoT мэдрэгч төхөөрөмжийг чингэлэг, тээврийн хэрэгсэл, агуулах зэрэгт суурилуулснаар тээвэрлэлтийн явц, байршил, орчны температур, чийгшил, ачааны битүүмжлэл, доргилт зэргийг хүний оролцоогүйгээр шууд хянах боломжтой. Улмаар бараа бүтээгдэхүүний байршлыг тогтооход цаг алдах, хадгалалтын горим алдагдах, тэдгээрийг хулгайд алдах зэргээс сэргийлнэ.

Бизнесийн цахим харилцааны шинэ орчин

Smart Hub-н блокчейн сүлжээнд мэдээлэл нь төвлөрсөн бус байдлаар өндөр нууцлалтайгаар бүртгэгдэх тул аль нэг байгууллага нь бүртгэгдсэн мэдээллийг дангаараа өөрчлөх, хаалттай мэдээллийг тухайн хэрэглэгчийн зөвшөөрөлгүйгээр харах боломжгүй. Үүнээс гадна хэрэглэгч нар нь блокчейн сүлжээнд цахимаар хамтран ажиллах, түүнийхээ үр дүнг баталгаажуулах, бие биедээ үнэлгээ өгөх боломжтой.

THE SMART HUB

Decentralized

ТӨВЛӨРСӨН БУС ЗАРЧИМ

Smart Hub нь төвлөрсөн бус зарчмаар ажиллах бөгөөд хэрэглэгч төвтэй систем юм. Хэрэглэгч байгууллагууд нь тухайн бизнесийн орчиндоо тааруулан өөрсдөө блокчейн сүлжээгээ үүсгэх, түүнийгээ удирдан зохион байгуулахаар загварчлагдсан. Үүсгэсэн сүлжээндээ тухайн байгууллага нь хамтрагч байгууллагуудаа урьж, шинэ гишүүн оролцуулох эсэхээ тус сүлжээн дахь гишүүд нь өөрсдөө шийднэ. Ингэснээр үл таних гаднын этгээд сүлжээнд зөвшөөрөлгүй нэвтрэх, мэдээлэл гадагшаа алдагдах, худал мэдээлэл оруулсан этгээд хариуцлагаас зайлсхийх зэргээс сэргийлнэ.

Smart Hub Marketplace
нээлттэй блокчейн сүлжээ

Мэдээлэл солилцох хувийн орчин

хаалттай блокчeйн сүлжээ

Мэдээлэл солилцох хувийн орчин

хаалттай блокчeйн сүлжээ

Мэдээлэл солилцох хувийн орчин

хаалттай блокчeйн сүлжээ

ДЭЛГЭРЭНГҮЙ

ТӨСЛИЙН БАГ

Төслийн баг нь төслийн менежмент, блокчейн технологийн хөгжүүлэлт, логистик ба нийлүүлэлтийн сүлжээний зохицуулалт, санхүү, эдийн засгийн дүн шинжилгээ, хууль эрх зүй, стратегийн зөвлөх зэрэг олон талын ур чадвартай мэргэжилтнүүдээс бүрдсэн. Төслийн баг нь дэлхийд танигдсан томоохон байгууллагуудын хэрэгжүүлсэн төсөл, хөтөлбөрүүдээс мэдлэг, туршлага хуримтлуулсан бөгөөд тэдгээрээс дурдвал IBM, Adidas, U.S. government funded international projects, Harvard University, Swiss Government Agency, TechMahindra, EY, Energi, Ochain зэрэг юм.

Баасанжавын Тамир

Гүйцэтгэх захирал,

Үүсгэн байгуулагч

“ОБОРТЕК” төслийг үүсгэн байгуулагч Б.Тамир нь төслийн менежмент, маркетингийн чиглэлээр мэргэшсэн бөгөөд олон улсын томоохон төсөл, хөтөлбөрүүд болон дотоодын нэр хүндтэй бизнесийн байгууллагуудад ажиллаж байсан. Тухайлбал, АНУ-ын Засгийн газраас санхүүжүүлсэн “Монголын Мянганы сорилтын сан”-гийн дэд бүтэц, эрчим хүчний чиглэлийн төслүүд, Швейцарын хөгжлийн агентлагийн уул уурхайн сайн туршлагыг олон улсад түгээх төсөл, Худалдаа хөгжлийн банк зэрэг гаднын болон дотоодын томоохон байгууллага, төслүүдэд гар бие оролцон ажиллаж байв. Үүнээс гадна Б.Тамир нь цахим системийн загвар (UX/UI) зохиох чиглэлээр 10 гаруй жил ажилласан туршлагатай бөгөөд ‘’Adidas’’-аас зохион байгуулсан бүтээгдэхүүний загвар зохиох олон улсын тэмцээнд түрүүлж байсан. Б. Тамир нь “ОБОРТЕК” төслийн үндсэн санаа болон бизнесийн стратегийг боловсруулж, Smart Hub системийн загварыг зохиожээ.

Баасанжавын Тамир

Гүйцэтгэх захирал, Үүсгэн байгуулагч

Дашнямын Золжаргал

Хуулийн зөвлөх

Д.Золжаргал нь Харвардын их сургуулийг Хуулийн магистр зэрэгтэй төгсөж, компанийн хууль, хувийн өмчийн тухай хууль чиглэлээр туршлагажсан. Тэрээр “ОБОРТЕК” төслийн хуулийн зөвлөхийн зэрэгцээ Монголын тэргүүлэх хуулийн фирм болох “DB & GTS” -ийн Ахлах Партнераар ажиллаж байна. Д.Золжаргал нь Монголын шилдэг хуульчдын нэгээр 9 жилийн турш нэрлэгдсэн, түүний үйлчлүүлэгчдийн жагсаалтад томоохон хөрөнгө оруулалтын банк, үндэстэн дамнасан компаниуд, уул уурхайн компаниуд, хөрөнгө оруулалтын сангууд багтдаг билээ. Тэрээр “ОБОРТЕК” төслийн Smart Hub системийн засаглал, эрх зүйн загварыг боловсруулах ажлыг хариуцаж байна.

Дашнямын Золжаргал

Хуулийн зөвлөх

Моника Холланд

SaaS ба маркетингийн зөвлөх

Тэрээр борлуулалтын чиглэлээр 20 жилийн турш нэр хүндтэй албан тушаалууд хашиж байсан бөгөөд өндөр өсөлттэй бизнесүүдийг олон улсын зах зээлд нэвтрүүлэх талаар арвин туршлагатай юм. Жишээ дурдвал Америкийн технологийн HotelPlanner ба Британийн Traveltek зэрэг SaaS компаниудад борлуулалтын хүчирхэг багийг бий болгож өгсөн байна. Тэрээр Эстони улсын Startup Wise Guys, АНУ-н Hapday группийн B2B Sales Bootcamp, Литва улсын Шинжлэх ухаан, технологи, инновацын агентлагийн гарааны бизнесийг дэмжих хөтөлбөрүүдийг хэрэгжүүлэхэд гар бие оролцон ажиллаж байжээ.

Тэрээр ОБОРТЕК төслийн багт SaaS бизнесийн загвар, зах зээлд хэрхэн зөв нэвтрэх, борлуулалтын стратеги боловсруулах зэрэгт зөвлөхөөр ажиллаж байна.

Моника Холланд

SaaS ба маркетингийн зөвлөх

Доржсүрэнгийн Энхбат

Логистикийн салбар хариуцсан

захирал, Хамтран үүсгэн байгуулагч

Д. Энхбат нь тээвэр логистикийн салбарт 20 гаруй жилийн туршлагатай бөгөөд Монголын тээвэр зуучийн томоохон компаниудын нэг болох Монгол Экспресс ХХК-ийн Гүйцэтгэх захирлаар ажиллаж байсан. Тэрээр Монгол болон Евро-Азийн тээвэр логистикийн салбарт “ОБОРТЕК” төслийг таниулах, хамтын ажиллагааны сувгийг бий болгох ажлыг хариуцаж байна.

Доржсүрэнгийн Энхбат

Логистикийн салбар хариуцсан захирал, Хамтран үүсгэн байгуулагч

Алок Гупта

Блокчейн архитектор

Алок Гупта нь программ хангамжийн хөгжүүлэлтийн чиглэлээр 12 дахь жилдээ ажиллаж байгаа бөгөөд мэргэшсэн блокчэйн хөгжүүлэгч юм. Тэрээр “Hyperledger Fabric”-ийн архитектур бүтэц, ажиллагааны өргөн мэдлэгтэйн дээр Энэтхэгийн шилдэг технологийн институт “IIT” болон “IBM”-аас хамтран зохион байгуулсан “Blockchain Architecture Design” курсийг амжилттай төгссөн шилдэг төгсөгчдийн эхний 5% -д багтдаг юм. Тэрээр нийлүүлэлтийн сүлжээ, үл хөдлөх хөрөнгийн бүртгэл, эрүүл мэндийн даатгал гэх мэт салбарт блокчейнд суурилсан төслүүдийг хөгжүүлж байсан арвин туршлагатай. Алок Гупта нь “ОБОРТЕК” төслийн Smart Hub системийн блокчейн архитектур бүтцийг боловсруулж, “Hyperledger” блокчейн талын хөгжүүлэлтийг удирдан ажиллаж байна.

Алок Гупта

Блокчейн архитектор

Сүхбатын Тунгалаг

Санхүү эрхэлсэн захирал

С.Тунгалаг нь санхүү, хөрөнгө оруулалтын чиглэлээр 20 гаруй жил ажиллаж байгаа бөгөөд “ОБОРТЕК” төслийн бизнес болон санхүүгийн төлөвлөгөөг боловсруулж, санхүүгийн менежментийг удирдаж байна. Тэрээр санхүүгийн стратегийн зөвлөх, төв банк, байгууллагын банк, хөрөнгийн менежмент болон олон талт хөгжлийн хөтөлбөр зэрэг төслүүдэд ажиллаж байсан арвин туршлагатай. С.Тунгалаг нь Их Британид CFA гэрчилгээгээ гардан авсан бөгөөд CFA институтийн гишүүн, Монгол Улсын бизнесийн мэргэшсэн үнэлээч юм.

Сүхбатын Тунгалаг

Санхүү эрхэлсэн захирал

Нарендра Н Шукла

Блокчейн хөгжүүлэлтийн менежер

Нарендра нь блокчейн болон мэдээллийн технологийн ахлах түвшний мэргэжилтэн бөгөөд олон салбар дахь томоохон байгууллагуудын мэдээллийн системийн хөгжүүлэлтийн чиглэлээр 17 жил ажилласан туршлагатай. Тэрээр ялангуяа нийлүүлэлтийн сүлжээ болон ложистикийн салбарт SAP SCM үйлчилгээ нэвтрүүлэх тал дээр өргөн мэдлэгтэй юм. Нарендра нь Ахлах зөвлөх болон технологийн багийн удирдагчаар IBM компанид ажиллаж байсан бөгөөд ажиллах явцдаа British Petroleum болон IBM Blockchain Platform-н нийлүүлэлтийн сүлжээ болон ложистикийн системийн хөгжүүлэлтийг хариуцаж байжээ. Үүнээс гадна тэрээр SAP Labs India компанид Европ, Африк, Ойрх дорнодын бүсийг хариуцсан ахлах хөгжүүлэгчээр ажиллаж байсан юм.

Нарендра нь Smart Hub platform-н хөгжүүлэлтэд Блокчейн хөгжүүлэлтийн менежерээр ажиллаж байна.

Нарендра Н Шукла

Блокчейн хөгжүүлэлтийн менежер

Кристофер Нилсен

Бизнесийн өсөлт ба хөрөнгө

босголтын зөвлөх

Тэрээр Их Британи-н FCA зөвшөөрөлтэй зөвлөх бөгөөд PoE Advisory компанийн Үүсгэн байгуулагч болон Гүйцэтгэх захирлаар ажиллаж байхдаа олон гарааны бизнесүүдэд хөрөнгө босголтын тал дээр зөвлөгөө үзүүлж, хамтран ажиллаж байжээ. Мөн тэрээр Лондон дахь EY, Дани дахь PwC, A.P. Moller Maersk Group, Carlsberg Breweries зэрэг үндэстэн дамнасан томоохон корпорацуудад 15 гаруй жил захирал болон менежерийн албан тушаалуудыг хашиж байсан туршлагатай. Үүнээс гадна Кристофер нь бизнесийн дүн шинжилгээ, компани нэгтгэх болон худалдах, санхүүгийн загварчлал зэрэг чиглэлээр дэлхийн хэмжээний компаниудад зөвлөгөө үзүүлж байжээ.

Тэрээр ОБОРТЕК төслийн багт бизнесийн өсөлтийн болон хөрөнгө босголтын стратеги боловсруулах тал дээр зөвлөхөөр ажиллаж байна.

Кристофер Нилсен

Бизнесийн өсөлт ба хөрөнгө босголтын зөвлөх

Мауро Андриотто

Зөвлөх

Мауро Андриотто нь олон улсад хүлээн зөвшөөрөгдсөн блокчейн болон Security Token Offering (STO) чиглэлийн тэргүүлэгч мэргэжилтний нэг бөгөөд санхүүгийн удирдлага чиглэлээр профессорын зэрэгтэй юм. Үүний зэрэгцээ Женевийн их сургуулийн профессор багшаар ажиллаж байна. Түүнчлэн Мауро Андриотто нь Ernst & Young компанийн Өмнөд Европыг хариуцсан төлөөлөгч, Европын Комиссын Horizon 2020 төслийн гарааны бизнес эрхлэгчдэд санхүүжилт баталдаг тусгай мэргэжилтнээр ажиллаж байсан туршлагатай. Тэрээр “ОБОРТЕК” төсөл Европын зах зээл дээрээс хөрөнгө босгох ажилд зөвлөхөөр ажиллаж байна.

Мауро Андриотто

Зөвлөх

Гарри Пиндер

Зөвлөх

Гарри Пиндер нь Intermodal Solutions Group (ISG) компанийн ерөнхий захирлаар ажилладаг. Түүний ISG компани нь уул уурхай, хөдөө аж ахуйн бүтээгдэхүүний контейнерын систем нийлүүлдэг олон улсад хүлээн зөвшөөрөгдсөн компани юм. ISG нь дэлхийн 12 оронд үйл ажиллагаагаа явуулдаг бөгөөд Өмнөд Америкийн бүс нутагт илүү өргөн цар хүрээтэй ажиллаж байна. Гарри Пиндер нь Өмнөд Америк дахь хөдөө аж ахуй, уул уурхайн тээвэрлэлтийн салбарт “ОБОРТЕК” төслийг таниулах ажлын зөвлөхөөр ажиллаж байна.

Гарри Пиндер

Зөвлөх

Al Ewers

Зөвлөх

Аль Эверс нь Potrero Capital компанийн тэргүүн, Цахиурын хөндийн блокчейн нийгэмлэгийг үүсгэн байгуулагчдын нэг бөгөөд маш олон төслийг амжилттай босгож байсан шинийг санаачлагч юм. Тэрээр Бизнес хөгжүүлэлтийн стратеги чиглэлээр мэргэшсэн бөгөөд гарааны бизнесүүд, дэлхийн топ 500 компаниуд, Төрийн бус байгууллагуудад зөвлөх хийдэг. Аль Эверс нь Potrero Capital компанийн хамт “ОБОРТЕК” төсөлд Цахиурын хөндийн хөрөнгө оруулагчдаас хөрөнгө босгох, дэлхийн хэмжээнд стратегийн түншлэлийг хөгжүүлэх чиглэлд зөвлөхөөр ажиллаж байна.

Al Ewers

Зөвлөх

Иан Скарфе

Зөвлөх

Иан Скарфе нь олон улсад бизнес хөгжүүлэх чиглэлээр арвин туршлагатай энтрепренер, хөрөнгө оруулагч, зөвлөх хүн юм. Мөн гарааны бизнес, хөрөнгө оруулалт, финтек, блокчейн салбарын тэргүүлэх мэргэжилтэн бөгөөд одоогоор олон сая долларын үнэлгээтэй компаниудад зөвлөгөө өгч, зөвлөхөөр ажиллаж байна. Түүний эрхэм зорилго бол дэлхийн сайн сайхан үйлсэд хувь нэмрээ оруулдаг, эдийн засгийн хувьд бие даасан хувь хүмүүсээс бүрдсэн нийгмийг төлөвшүүлэн бүтээх юм. Тэрээр “ОБОРТЕК” төслийг крипто зах зээл дээрх өөрийн бий болгосон бизнесийн харилцааны хүрээнд танилцуулах болон төслийн хөрөнгө босгох ажилд зөвлөхөөр ажиллаж байна.

Иан Скарфе

Зөвлөх